Müasir cəmiyyətin əsas dayaqlarından biri olan təhsil sistemi – gələcəyin əsasını qoyan, milli ruhu yaşadan və vətəndaş yetişdirən bir məbəddir. Bu məbədin idarəsi isə yalnız savadlılıq deyil, eyni zamanda fədakarlıq, liderlik və insan sevgisi tələb edir. Məhz bu keyfiyyətlərin daşıyıcısı olan Afət Camalova artıq illərdir Mehdiabad qəsəbə 3 nömrəli tam orta məktəbinin direktoru kimi təhsil sahəsində nümunəvi bir fəaliyyət göstərir.
Afət xanım Camalova, pedaqoji biliklərini və idarəçilik bacarıqlarını birləşdirərək rəhbərlik etdiyi təhsil müəssisəsini həm akademik göstəriciləri ilə, həm də məktəbin daxili mühiti ilə örnək məktəblərdən birinə çevirib. Onun rəhbərliyi dövründə məktəbdə tədris prosesinin müasir tələblərə uyğun qurulması, müəllimlərin peşəkarlığının artırılması, şagirdlərin fərdi inkişafına xüsusi diqqət yetirilməsi daim prioritet olub.
O, rəhbərlik etdiyi kollektivi sadəcə idarə etmir, həm də onları ruhlandırır, motivasiya edir. Afət xanımın əsas prinsipi belədir: “Məktəb yalnız dərs deyil, şəxsiyyət formalaşdıran bir ailədir.”
Afət Camalova Prezident İlham Əliyev və elm və təhsil naziri Emin Əmrullayevin rəhbərliyi ilə həyata keçirilən təhsil islahatlarına sadiq yanaşması ilə seçilir. Onun təşəbbüsü və rəhbərliyi ilə məktəbdə rəqəmsallaşma, interaktiv dərslər, təlim-tədris texnologiyalarının tətbiqi, STEAM yanaşmalarına keçid və layihə əsaslı öyrənmə prinsipləri uğurla tətbiq olunmağa başlanıb.
O, daim müəllim heyətini innovativ təlimlərə cəlb edir, yeni təhsil metodlarının tətbiqini təşviq edir. Şagirdlər isə bu müasir yanaşmalar sayəsində biliklə yanaşı, yaradıcı və analitik düşünmə, liderlik və komanda işi bacarıqları qazanırlar.
Afət Camalova həm də yüksək insani keyfiyyətləri ilə tanınır. O, şəhid ailələrinin övladlarına, qazilərin uşaqlarına, aztəminatlı ailələrdən olan şagirdlərə xüsusi diqqət və qayğı göstərilməsi ilə pedaqoji ictimaiyyət arasında böyük nüfuz qazanıb. Bu ailələrin övladlarının məktəbdə rahat və sevgi dolu bir təhsil mühitində inkişaf etməsi üçün o, bütün resursları səfərbər edir.
Həmçinin müxtəlif bayramlarda və xüsusi günlərdə bu kateqoriyaya daxil olan ailələrin uşaqları üçün tədbirlər, hədiyyələr və sosial dəstək tədbirləri təşkil olunur.
Afət Camalova üçün məktəb sadəcə təhsil ocağı deyil – bu, həm də vətənpərvərlik, milli-mənəvi dəyərlər, ailə, cəmiyyət və insanlıq mövzusunda tərbiyənin verildiyi məkandır. O, şagirdlərin mədəni davranışını, mənəvi tərbiyəsini, ictimai fəallığını və əxlaqi keyfiyyətlərini inkişaf etdirməyə xüsusi önəm verir.
Məhz bu yanaşma nəticəsində onun rəhbərlik etdiyi məktəbin şagirdləri olimpiadalarda, müsabiqələrdə, layihələrdə və ictimai tədbirlərdə aktiv iştirak edir, uğurlar qazanır və məktəbin adını ucaldırlar.
Afət Camalova təkcə pedaqoq və direktor kimi deyil, həm də sadə, səmimi, hər kəsə açıq və xeyirxah bir şəxs kimi sevilir. Valideynlərlə daim ünsiyyətdə olmaq, onların fikirlərini dinləmək və problemlərinə həssas yanaşmaq onun əsas iş prinsiplərindəndir.
Onun təşəbbüsü ilə məktəbdə valideyn-məktəb əlaqələri gücləndirilib, açıq dərslər və valideyn iclasları müasir üslubda təşkil olunaraq ailələrin təhsil prosesində iştirakı daha da aktivləşdirilib.
Afət Camalova – təhsildə yenilikçi düşüncənin, vətənə bağlılığın, insana hörmətin və gənc nəslə qayğı ilə yanaşmanın simvolu olan bir müəllim-dirəktor obrazıdır.
