Qəbələ Rayon İcra Hakimiyyəti Başçının müavini – sosial-iqtisadi inkişafın təhlili və proqnozlaşdırılması şöbəsinin müdiri Arif Allahverdiyev qazilərin, şəhid ailələrinin, veteranların yaxın dostudur. Şəhid ailələri, qazilər, həmçinin müharibə veteranları daim Arif Allahverdiyevin diqqətindədir. “Bütün bayramlarda və əlamətdar günlərdə onlara baş çəkir, qayğıları ilə maraqlanır, hər cür maddi-mənəvi dəstək göstərilir. Onların heç bir müraciətini geri çevirməyən Arif Allahverdiyev səlahiyyətləri çərçivəsində hər cür köməklik göstərməyə həmişə hazırdır.

Mayası vətənpərvərliklə, halallıqla yoğrulan bu gözəl insana, Qəbələ Rayon İcra Hakimiyyəti Başçının müavini – sosial-iqtisadi inkişafın təhlili və proqnozlaşdırılması şöbəsinin müdiri Arif Allahverdiyevə biz də uğurlar diləyirik. Xalq üçün, Vətən üçün əlindən gələni əsirgəməyən bu insana uzun və sağlam ömür, işlərində nailiyyətlər arzu edirik. Bir də arzu edirik ki, bu cür insanların sayı çox olsun, biz də onlarla fəxr edək, barələrində yazaq.

Qəbələ Rayon İcra Hakimiyyətinin başçısı Səbuhi Abdullayev tərəfindən növbəti vətəndaş qəbulu keçirilmişdir

Qəbələ Rayon İcra Hakimiyyətinin başçısı Səbuhi Abdullayev tərəfindən növbəti dəfə keçirilən qəbulda Vətən müharibəsi şəhidlərinin ailə üzvlərinin, qazilərin və vətəndaşların müraciətləri və irəli sürdükləri təkliflər dinlənilmiş, bir qismi yerindəcə həll olunmuş, digərlərinin həlli nəzarətə götürülmüşdür.










Qəbələ Rayon İcra Hakimiyyəti Başçının müavini – sosial-iqtisadi inkişafın təhlili və proqnozlaşdırılması şöbəsinin müdiri Arif Allahverdiyev - 44 günlük Vətən müharibəsi Ali Baş Komandan İlham Əliyevin qətiyyəti, xalqın birliyi və Ordumuzun gücü nəticəsində Zəfərlə tarixə yazıldı. Müstəqillik tariximizin ən parlaq səhifəsinə çevrilən böyük Qələbə nəticəsində Azərbaycan ərazi bütövlüyünə qovuşdu, dünya ictimaiyyəti xalqımızı mübariz, müzəffər xalq kimi tanıdı.
Bu gün Müzəffər Ali Baş Komandan, Prezident İlham Əliyevin böyük uzaqgörənliklə qurduğu strategiya Azərbaycan dövlətini daha qüdrətli, xalqımızı daha güclü, bayrağımızı daha uca etməyə hədəflənib. Dövlətin və xalqın gücü ilə düşmənin viran qoyduğu işğaldan azad edilən şəhər və kəndlərimiz yenidən qurulur, öz yurd-yuvalarından didərgin düşən soydaşlarımız evlərinə qayıdırlar. İnanırıq ki, bu qayıdış soydaşlarımızın təkcə Qarabağa deyil, vaxtilə deportasiya edildikləri bütün tarixi torpaqlarına qayıdışını əhatə edəcəkdir.
Bu ilin 23 aprel tarixində Azərbaycan-Ermənistan sərhədində Laçın rayonu ərazisində ‘‘Laçın” sərhəd-buraxılış məntəqəsi qurulması, burada dövlət bayrağımızın dalğalandırılması ölkəmizin sərhədlərinin toxunulmazlığının vacibliyini bir daha dünyaya bəyan etdi. Müzəffər Ali Baş Komandan, Prezident İlham Əliyevin siyasətinin şah əsəri 44 günlük Vətən müharibəsində qazanılan Böyük Qələbə, torpaqlarımızım düşmən işğalından azad edilməsi nəticəsində “Laçın” sərhəd-buraxılış məntəqəsinin yaradılması ölkəmizin suveren hüquqları çərçivəsində atılmış legitim addımdır. ‘‘Laçın” sərhəd-buraxılış məntəqəsinin qurulması bir daha bütün dünyaya “Biz Azərbaycan dövləti olaraq sərhədlərimizin bütövlüyünü təmin etmək iqtidarındayıq. Bizim torpaqlarımızda olan buraxılış məntəqəsindən ancaq bizim icazəmiz olan, qanunlarımızın icazə verdiyi, imkan yaratdığı, Azərbaycan xalqının və dövlətinin maraqlarına xidmət edən yüklər kecə bilər” mesajını verdi.
Azərbaycan-Ermənistan sərhədində “Laçın” sərhəd-buraxılış məntəqəsinin yaradılmasını həzm edə bilməyən Ermənistan tərəfi və onu himayə edən qüvvələr, ölkəmizi guya Ermənistanla sərhəddə vəziyyəti gərginləşdirməkdə, Qarabağ bölgəsində humanitar böhran yaratmaqda təqsirləndirirlər. Erməni vandalları və onların havadarları bu cür cəhdlərlə Azərbaycanın daxili işlərinə müdaxilə etməklə yanaşı, uzun illərdən bəri ölkəmizə qarşı həyata keçirilən təcavüzkar siyasətlərinə fərqli don geyindirməyə çalışırlar. Onlar unudurlar ki, sərhədimizin toxunulmazlığının təmin olunması məsələsi ölkəmizin milli təhlükəsizliyi ilə yanaşı, qanunun aliliyinin də tələbidir və ölkəmizin daxili işidir.
Strateji əhəmiyyətə malik “Laçın” sərhəd-buraxılış məntəqəsinin açılması 30 il əvvəl azərbaycanlılara qarşı XX əsrin faciəsini törətmiş şəxsin saxlanılmasına səbəb oldu. “Laçın” sərhəd-buraxılış məntəqəsi yaxın gələcəkdə Qarabağda qanunsuz yerləşdirilmiş erməni silahlı birləşmələrinin, həmçinin separatçıların tərksilah olunmasında öz sözünü deyəcək və düşmənin növbəti təxribatlarının qarşısını alacaq. Prezident İlham Əliyevin uzaqgörən siyasəti sayəsində Azərbaycanın hərtərəfli inkişafı, xalqımızın firavan həyatı rəsmi İrəvanın, Fransa kimi ölkələrin rahatlığını hələ çox pozacaq.